Sipas udhëzimeve të fundit të Shoqatës Amerikane të Kancerit (American Cancer Society – ACS), të gjithë personat e moshës 50 deri në 80 vjeç që kanë një histori duhanpirjeje prej të paktën 20 “pack-years” (vitet e pakove) duhet të kryejnë çdo vit një skaner CT me dozë të ulët të mushkërive (low-dose CT – LDCT) për zbulimin e hershëm të kancerit të mushkërive.
Ky rekomandim synon të shpëtojë mijëra jetë çdo vit, duke e bërë skriningun më të aksesueshëm se kurrë më parë. Ndryshe nga udhëzimet e mëparshme, tani nuk ka kufizim të rreptë për vitet e fundit pa duhan për ish-duhanxhinjtë – mjafton historia e përgjithshme e duhanpirjes.