Nëse avancimi akademik perceptohet si rezultat i lidhjeve partiake, familjare apo shoqërore, dëmi nuk mbetet vetëm brenda fakultetit. Ai prek studentët, cilësinë e mësimdhënies, kërkimin shkencor dhe, në fund, sigurinë e pacientëve që do të trajtohen nga profesionistët e formuar në këtë sistem. Fakulteti nuk mund të ndërtojë autoritet mbi heshtjen, mbylljen e dyerve dhe mungesën e konkurrencës së drejtë.
Meritë, jo klane
Çdo kandidat për asistent, docent apo profesor duhet të vlerësohet me standarde të matshme: publikime të verifikueshme, përvojë klinike, aftësi në mësimdhënie, etikë, kontribut në kërkim shkencor dhe prezencë profesionale ndërkombëtare. Një proces transparent nuk i dëmton profesorët e merituar; përkundrazi, ua mbron reputacionin nga dyshimet e padrejta. Por ne FM nuk ndodhë kjo , përkundrazi aty nuk bazohën fare në vlera profesionale dhe akademike.
Pjesëmarrja aktive në konferenca ndërkombëtare, prezantimi i punimeve shkencore dhe bashkëpunimi me kolegë të huaj thuajse nuk egziston fare . Kjo e tregon shumë qartë se pozitat aty janë pa meritë dhe janë vetëm me lidhje politiko/familare.
Në një ankentë të zhvilluar në vitin 2025 vetëm 25% të profesorve dhe assitetve kishin njojne të gjuhës angleze .
Depolitizimi nuk duhet të mbetet slogan. Ai duhet të kthehet në masa konkrete dhe urgjente:
- Vlerësim periodik i profesorëve për publikime, mësimdhënie, etikë dhe aktivitet shkencor.
Fakulteti i Mjekësisë nuk mund të jetë pronë e asnjë partie, familjeje apo rrethi shoqëror. Ai është institucion publik dhe duhet t’u shërbejë studentëve, pacientëve dhe interesit të përgjithshëm. Koha për depolitizim nuk është nesër: është tani.
